منتدى ابناء قبائل الحباب بشرق السودان
الترحيب بالأعضاء


منتدى ابناء قبائل الحباب بشرق السودان منتدى يسعى لربط ابناء الحباب بداخل والخارج عبر النت ٠ والتعريف بتاريخ وعادات وتقاليد وتراث قبيلة الحباب ٠
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخولالرئسية
بحـث
 
 

نتائج البحث
 
Rechercher بحث متقدم
المواضيع الأخيرة
ازرار التصفُّح
 البوابة
 الرئيسية
 قائمة الاعضاء
 البيانات الشخصية
 س .و .ج
 بحـث
منتدى العام
التبادل الاعلاني
احداث منتدى مجاني
ديسمبر 2017
الإثنينالثلاثاءالأربعاءالخميسالجمعةالسبتالأحد
    123
45678910
11121314151617
18192021222324
25262728293031
اليوميةاليومية

شاطر | 
 

 قصيدتي الجديدة ( رحلة وداع )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
د. محمد طه منصور

avatar

عدد المساهمات : 16
نقاط : 28
السٌّمعَة : 0
تاريخ التسجيل : 21/08/2011

مُساهمةموضوع: قصيدتي الجديدة ( رحلة وداع )   السبت أغسطس 27, 2011 7:40 am

اخوتي الاعزاء
السلام عليكم ورحمة الله وبركاته
هذه هي مشاركتي الاولى من ديوان شعري ( حاجة فيك ) وهى قصيدة لحنها المرحوم مصطفى سيداحمد ولم تمهله الايام لكي يتغنى بها فبقيت حبيسة الاداراج لفترة طويلة وان شاء الله سوف اقوم كل اسبوع بتنزيل قصيدة جديدة حتي اعطي كل قصائدي حظها من النشر والاطلاع ... تقبلوا تحياتي ا
الصادقة واتمني ان اكون عضوا نافعا ومفيدا باذن الله

رحلة وداع





ماجبت سيرتك لا ظلمتك
لا البينى بينك كان علم
مابيدوى صوتى عشان يصحيك
من غفوتك ..... اجمل حلم
كل اللى كان انا بينى بينك
حاجات قديمة اتغيرت
فتشت عنك فى الزمان
فى ضفتك..........
فى عمقك الضحل البعيد
وقفت شان اتخيلك
وقفت خيولى عليك بتصهل
فى مرافيك...................
تسال عليك وعن عفتك
سالت دموع ليلا طويل
اتحجرت فى مقلتك
فرح المكان
ولمن عرف
وصفك وجف
قلبو ارتجف
لامن وقف
لحكايه تاريخه اندثر واتبدلت
لما الحقيقة بقت خداع
مركبنا سارت غير شراع
وكل اللى كان بيناتنا ضاع
وصاحت معاهو سنين هواك
ياقلبى ماتحزن براك
اصبر كمان
خلى الحزن يحزن معاك
بانت حقيقة ريدنا زي وهج الشمس
فتشت عنك واصطفيتك
فى مسامات السحاب
ورهنت ليك باقى العمر
رفضت تفارق نفسك
الارض اليباب
وبحثت عنك فى صبا البلد الهجرتها
ونحنا فى عز الشباب
فتشت عنك فى خلا العتمور
وطيفك زي ضباب
وفضلت اجري وراك سنين
2

ضيعت عمري عليك سراب
ضيعنى ريدك لما جيتك
هارب من الواقع المرير
ضيعت فيك حلمى القبيل
ضيعت فيك حلم الشباب
وكان ظنى فيك لمن اغيب
امشى واجيك
للريده نفتح الف باب
ضاع العشم ياحلوه فيك
انسابت احلاما القبيل
من بين ايدنا بقت سراب
وانا اتظلمت معاك كتير
اديتك احلى سنين هواي
حتى التفاصيل الدقيقة اهديتا ليك
اهديتك اشعاري وغناي
ضجت صحاري هوانا
فى جوانا تبكى
رقصت من الالم الشديد
ريدنا اللى كان نديان زمان
اصبح يباب
لمن حلمته حلمت بيك
لمن جفيت اهلى الزمان
اصبحت اهواك واشتهيك
اشتقت ليك مااشتقت ليك
وهويت لقاك
كان غصب عنك
يوم مشيت
وقفت مشاعري اتجمدت
فلتت خيول ريدى الحبيس
اتجننت دارت تجيك
سرجتها ولجمتها
جفلت خطاها بلا سبب
شان تحتوينى وتحتويك
وخسرت رهانه من البداية
رجعت وراها بلا سبب
ماعرفت اشواك الطريق
فى الساعة ديك
احترت فيك
احترت كيف انساك
وانك فى دماى
كيف اقدر اتناساهو ريدك
3
وانا فى دواخلى اتنفسك
ترجع خطاي
احترت كيف انساك
وانك فى الضمير عايش معاى
كيف انسى روحى بلا الم
ادوس عليها اقدامى ترحل
دون رضاي
رغم انى بتنفس هواك
رغم انى بترك عن قصد
خطواتى تتبع لي خطاك
لكنى برضو غلطت فيك
وشربت من كاسات جفاك
كاسا لذيذ جواهو مر
خلانى انسى الكان زمان
واقعد معاك كل العمر
اذهلنى صبرك فى هواى
وادهشنى انك يوم همومى
ويوم شفاي
والدهشة فرحت من لقاك
ماصدقت انك قريب
عنى وبعيد
ماصدقت انك غريب
فى الريد كمان تبدى وتعيد
وماصدقت بعد الرحيل
ريدتنا ترجع من جديد
لكن رجع وجعى القبيل
خلانى اهرب من هواك
ابعد بعديد واتنفسك
واعشق لقاك
ياريت خداعك يستمر
كل اللى كان مابينى بينك
لمحة من اطول عمر
وانا ماندمت على هواك
مع انو كان زي شتلة
فى هوج الرياح
محكوم عليها تعيش تموت
اهو ده القدر
لحظة وتفوت
وتبقى الجذور
مغروسة فى قلبا كبير
شايل الالم بس مستحيل
ينساكى ياحلمى النبيل
4

فى لحظه كانت زي حلم
هجعت حكاوينا القبيل
وبقينا نتجرع مرارة ريدنا
فى عز الهجير
عزينا بعضنا فى فقيدنا
عانقنا بعضنا للفراق
وفارقنا بعضنا فى الم
لمن خلاص حكم الفراق
بالبين حكم
وجات الحقيقة
ماقدرنا نصبر لو دقيقة
رحلت خطانا بلا وداع
مركب مسافرة بلا شراع
صحت قلوبنا من الوهم
نزفت جروحنا بلا الم
الجانى منك ياهواي
كان شى غريب
ورغم انى كنت انا من زمان
بتوقعو
بس كان عجيب
والله ماكان ده العشم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
خالد على ودالعمدة
Admin
avatar

عدد المساهمات : 850
نقاط : 2237
السٌّمعَة : 1
تاريخ التسجيل : 20/06/2010
العمر : 49
الموقع : خارج ارض الوطن

مُساهمةموضوع: رد: قصيدتي الجديدة ( رحلة وداع )   السبت أغسطس 27, 2011 10:22 am

قصيدة أكثر من رائعه يا دكتور ، وشكراً لك على الثقة التى وضعتها فى المنتدى ونتشرف ان تكون قصائدك بيننا وسوف نكون فى إنظارك كل اسبوع ٠
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://habab.banouta.net
ود العمده الحباباوى

avatar

عدد المساهمات : 305
نقاط : 693
السٌّمعَة : 3
تاريخ التسجيل : 20/06/2010

مُساهمةموضوع: رد: قصيدتي الجديدة ( رحلة وداع )   السبت أغسطس 27, 2011 10:50 am

قــــصـــيـــدة رائـــــعـــــه يــــا دكـــتــــور ونــــحــــن فــــــى الـــــمـــــذيــــــد ٠
[img][/img]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
د. محمد طه منصور

avatar

عدد المساهمات : 16
نقاط : 28
السٌّمعَة : 0
تاريخ التسجيل : 21/08/2011

مُساهمةموضوع: رد: قصيدتي الجديدة ( رحلة وداع )   الأحد أغسطس 28, 2011 4:34 am

المدير العام كتب:
قصيدة أكثر من رائعه يا دكتور ، وشكراً لك على الثقة التى وضعتها فى المنتدى ونتشرف ان تكون قصائدك بيننا وسوف نكون فى إنظارك كل اسبوع ٠
لك التحية اخي الغالي .. المدير العام على تشريفك دوحتي وتذوقك لاشعاري وصراحة منتدى قبيلة الحباب هو قبلتي وداري وساكون معكم ابنا واخا وصديقا ... وبالتاكيد فارسا للمنتدى لايشق له غبار ... تقبل تحياتي اخي العزيز.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
د. محمد طه منصور

avatar

عدد المساهمات : 16
نقاط : 28
السٌّمعَة : 0
تاريخ التسجيل : 21/08/2011

مُساهمةموضوع: رد: قصيدتي الجديدة ( رحلة وداع )   الأحد أغسطس 28, 2011 4:41 am

ود العمدة شكرا ليك على زيارتك وتشريفك لي وكما وعدتكم سوف انزل لكم كل اسبوع قصيدة .. كونوا معي .... لك عاطر المودة والتحايا.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصيدتي الجديدة ( رحلة وداع )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى ابناء قبائل الحباب بشرق السودان :: منتدى الشعر والروايات والقصص والغناء والنكات والفكاهة :: منبر الشعراء.......منبر الشعراء.....منبر الشعراء.......منبر الشعراء-
انتقل الى: